موقف غريب جدا جدا جدا (لمبة موفرة تسبب مشكلة كبيرة)

ساروي لكم موقف غريب جدا جدا حدث معي اليوم ...........وقد يكون غريب بالنسبة لي فقط .......الله اعلم...........لاكنه لم يصادفني علي اي منتدي حتي الان ولم اري ان احدا تحدث عنه او ان احدا روي مثلا ان هذه المشكلة صادفته او قدمت القكرة ضمن حل لمثل هذه المشكلة
ولا اعرف هل لهذا الموقف اساس علمي ام لا .......لانني بالطبع لست محترفا ولاكني هاوي وهاوي بشدة .......وعندي خبرة مش بطالة في عملية التركيب والتحديث والبرمجة ......وعلي سبيل الهواية والله ...... يعني كله او معظمة علشان اكون صادق معكم .......مجاني
طولت عليكم..........انا اسف وهرويلكم الموقف .......وبالغة العامية الصرف علشان اقدر اوصلكم الموقف كما حدث بالظبط

الموقف الغريب:--

وانا في السوبر ماركت بتاعي جاني واحد يعز عليه وقالي بقي يا استاذ عصام بقي انتي حللال المشاكل كلها( علي اساس اني اخصائي اجتماعي) وعامل نفسك بورم في الدشات ومش عارف تحللي مشكلتي
قولتله اامرني يا عم رمضان انا اقدر اتأخر عنك اية هي المشكلة.
قالي ان المشكلة ان في يوم وانا قاعد بتفرج علي الدش بقلب في القنوات وجيت بوطي الرسيفر قال والله ما هوطي اقلب قال والله مهقلب ولا راضي يشتغل خالص قولتله يا سلااااااااااااام بقي هي دي المشكلة اللي مش لاقيلها حل ......
قالي مانتي لو صبرت علي اكملك
قولتله ككككككككمل يا سيدي............. علي سبيل الاستغراب واستسهال الامر
قالي ......هو عمي رمضان........انا قولت يمكن الحجارة ورحت جبتله حجارة مشتغلتش قولت يمكن التانية بايظة رحت جبت غيرها بردو مشتغلتش واخر ما زهئت رحت جبت ريموت تاني بردو مشتغلش
وانا طبعا مرضتش اروح لحد تاني ييجي يعمله وقولت اجي لابو اسلام حبيبي وهو الهيحل اللغز دة
(وطبعا اللي عرفته بعد كدة وانا بحاول اشوف المشكلة ومن خلال حديثة معي بعد ذلك وخصوصا بعد حل المشكلة اتضحلي انه لف علي طوب الارض وجميع الصنيعية اللي في البلد ومحدش توصل لحل لهذه المشكلة)
قولتله يا عم رمضان الموضوع مش مستاهل دا كله........ الموضوع يا اما حجارة او الجهاز عايز سوفت وخلصنا.......بس انت ووديت الجهاز لحد عملك لية سوفت ولا حاجة
قالي لا والله ما انتي عارف يا ابو اسلام وانت اللي مركبه هي قطعة واحده الشغاله هحدثه لية
قولتله علي العموم بص روح هات الجهاز والرومتات وتعالي
راح فعلا جابهم وشغلت الرسيفر ومسكت الريموت........ والمفاجئة .........لاقيت الريموت بيقلب زي الطلق
قولتله فين يا عم رمضان المشكلة
قعد يضحك ويخبط كف علي كف ويقولي والله العظيم ما كان شغال وقعد يضحك ضحك ووصل للهستريا
قولتله علي العموم يا عم رمضان الجهاز شغال اهو والرومتات الاتنين شغالين وتمام روح شغل الجهاز يا غالي
طبعا قعد يشكرني وحاول يديني فلوس وطبعا مرضتش وقولتله انا عملت اية يا حبيبي
طبعا لحد هنا مفيش موقف
الموقف بقي جاي اهو
عمنا رمضان خاد الجهاز وروح البيت وبعدها بحوالي 20 دقيقة بالظبط لاقيت ابنه جاي بيقولي يا عمو عصام بابا روح البيت وشغل الجهاز بس الرومتات مش شغالة ومش راضية تقلب
قولتله ازاي يابني محنا مشغلينها هنا واشلغلت مية مية
قالي مش عارف يبقي تعالي شوفه
قولتله ماشي بعد ما هقفل الساعة عشرة كدة هاجيله
الساعة عشرة قفلت وخدت واحد صاحبي ورحنا لعم رمضان ........اية يا عم رمضان انت مبتعرفش تقلب ولا اية
قالي تعالي انت قلب يا حضرة الاخصائي

المفاجئة

الرومتات فعلا مش شغاله ولا راضية تتعامل مع الرسيفر نهائي
بصراحة وقفت وسهمت وقولت ازاي دانا كان شغال
علي طول قولتله بص يا عم رمضان انا هاخدة واعمله سوفت واجبهولك تاني .....وطبعا قالي يا استاذي انا مش عايز احدثه .........قولتله يا سيدي الفاضل انا مش هدي السوفت علشان التحديث نفسه انا هدي سوفت تاني غير دة يمكن تكون المشكلة مشكلة سوفت( وانا اساسا مش مقتنع بموضوع السوفت دة لان الريموتات الاتنين اشتغلو قدامي وانا المشغلهم )
المهم قال ماشي
خدت الجهاز وروحت البيت وحطيت الجهاز علي الكمبيوتر علشان اديله السوفت وبالصدفه بمسك الريموت وبشغل لاقيت الريموت شغال وشغال زي الصاروخ
سهمت تاني وركزت ظهري علي الكرسي وطبعا كان معايه صاحبي قولتله اتفضل يا عم طيب دا اعمله اية
خدت الجهاز تاني ورحت لعم رمضان
قال اية
قلتله مفيش حاجة معطتش سوفتات لان الريموتات شغالة
قالي طيب وصله انت كدا يمكن تكون ايديك فيها البركة
وصلت الجهاز.................... والمفاجئة.................
الرومتات مش شغاله
وقعدنا نضحك كتير
وبعد مهدينا من الضحك
قالي طيب الحل
قولتله مش عارف الاودة بتعتك دي شكلها كدة --الله ما احفظنا --فيها عفريت مش بيحب الرومتات تشتغل
قالي طيب وكان فين العفريت دة من زمان اشمعنا مجاش اللي دوقتي
قولتله انا عارفلك ........بص..... انده علي ام محمد بس تعملنا تلات كبيات شاي وان شاء الله هدعبس عن حل
وانا طبعا مش عارف هدعبس عن الحل دا فين بالظبط
وركزت شوية وقولت طلاما ان الريموتات مبتشتغلش في البيت دة تبقي المشكله في البيت دة
وخدته واحدة واحدة
اول حاجة فصلت كبل الاشارة .........مش شغالة الريموتات
فصلت كبلات الصوت والصورة............مش شغالة
شلت الرسيفر وبعدت بيه عن التلفزيون شوية.............مش شغالة
خدت الرسيفر وطلعت برة الاودة وركبت علي بريزة كهرباء تانية.......................المفاجئة الكبري.........الرموتات شغالة تمااااااااام التمام
وطبعا فضلنا نضحك( وطبعا حضراتكم متخيلين الموقف معاية)
وقولت بس .....هو العفريت في الاودة دي الفيها التلفزيون
وانا بقول كدا لاحظت حاجة غريبة جدا وهي كانت الحل لهذا اللغز الطويل جدا جدا...............
اية هي...............
الاخ رمضان مركب للبيت كله لمبات اللي بقولوا عليها لمبات موفرة للكهرباء اللمبات البيضا اللي بتركب بدواية عادية قلووظ زي المبة العادية
اية اللي لاحظته بقي................

اللمبة دي اللي في الاودة اللي فيها الرسيفر الاضائة بتاعتها باهتة غير كل لمبات المنزل

وقولت معقولة ممكن تكون المبة دي هي سبب عدم تشغيل الرومتات (انا قلتها .......والله العظيم....... بالصدفة البحتة بدون الاستناد الي اي فكر علمي نهائي وبدون اليقين التام انها ممكن تكون هي دي سبب المشكلة بالفعل)
المهم خدت الرسفر وركبته تاني(مانا كنت شايله علي ايدي وبدور بية في البيت زي المجنون) ووصلت وشغلت مشتغلتش الرموتات طبعا
طفيت اللمبة المشؤمة.................المفاجئة الكبري والصاعقة المدوية لي ولي وحدي (لان انا الوحيد اللي بين الموجودين اللي علي دراية بالرسيفرات واستبعد هذا الحل نهائي)..................
الريموتات شغاااااااااااااااااااااالة زي الصاروخ
ولعت المبة الرموتات متشتغلش .............اطفيها الرومتات تشتغل نار
مش عايز اقولكم علي كمية الضحك اللي ضحكنها المرة دي لان الامر بالنسبةلي جديد جد حتي وان كان الامر عاديا او الكثير من حضراتكم يعلمه اما بالنسبة لي جديد وجديد لانج كمان
المهم لما اتأكدت ان اللمبة هي سبب المشكلة قولت لصاحبي اللي معاية اطلع اخلع اللمبة دي وهات لمبة غيرها من اللي برة دول فعلا عمل كدا
وهي اللمبة الجديد منورة عادي بشغل الرموتات .......والمفاجئة هذه المرة
الرموتات تعمل تماااااااااااااام
ومسكتش علي كدة خليت صاحبي ركب اللمبة المشؤمة دي برة مكان اللي اللمبة جبتها وخدت الرسيفر وجربته في الاودة اللي ركبت فيها اللمبة المشؤمة ................. ولم تعمل الرموتات نهاااااااااااائي................
عندئذا فقط ايقنت بأن اللمبة هي اساس عدم تشغيل الرومتات
وسئلت عم رمضان هي اللمبة دي جاي كدة نورها ضعيف غير كل اللمبات التانية
ردت علي ام محمد قالتلي لا دا كان نورها عادي زي اخواتها بس في مرة كدة بصيت لاقيتها بتزن وتفصل وتشتغل عملت كدا كذا مرة وبعدها اشتغلت عادي بس نورها ضعف زي مانتي شايف وبتفصل من وقت للتاني وتشتغل لوحدها
وسئلت ابو محمد- عم رمضان يعني- طيب الريموتات مشتغلتش من وقت ما اللمبة ضعفت ولا قبل كدة
قالي والله ما فاكر بس واضح كدة من ساعت ما اللمبة فصلت والله واعلم
قولتله علي العموم الحمد لله علي قد كدة ومشينا انا وصاحبي

ولكن مازال لي تساؤل لم اجد له اجابة حتي الان ..............
هل فعلا اللمبة الموفرة دي لما تضعف ممكن تخلي الريموت ميشتغلش ؟........
وهل هناك اساس فني وعلمي لحدوث هذه المشكلة؟................

ارجو من يدخل هذه المشاركة وعنده تفسير لهذه المشكلة فليضعه حتي تعم الفائدة

دا تبقي كارثة لاصحاب الشركات المنتجة لهذه اللمبات....................
.................................................. .................................................
لقد رويت لكم القصة والموقف والحل اللي توصلت له عن طريق الصدفة البحتة
هذه قصة حقيقية مائة بالمائة ولم اغير بها اي شئ
ولم اعرضها من باب الفضول او من اجل عمل شات او خلافه...............
ولكن رويت المشكلة من اجل الوصول لتفسير منطقي وفني وعلمي لما حدث
والوقوف علي.............. هل هذا ظرف طارق ام انها مشكلة فعلا

ارجو من كل من يدخل المشاركة لا يكتب اي كلمة شكر او خلافه
بل يكتب راي او تفسير فني
اسف للاطالةوالسلام عليكم ورحمة الله وبركاته

,

شكرا علي هذا المجهود تفغقعغ

» سبحان الله الذى يمهل ولا يهمل مصرع جلاد أبو غريب فى أفغانستان
» المشاكل والعادات الخاطئة التي يمكن أن تسبب تلف الشعر المصبوغ
» جوزيه: مصر قادرة على إلحاق هزيمة كبيرة بالجزائر
» ضلمة مشكلة باللحم
» مشكلة الريستارت في الأجهزة الصينية