نصائح لمن مازال فى بداية قصة حبه ... قصة & نصائح

السلام عليكم ورحمة الله وبركاته

*** ابتديتوا تقربوا من بعض، وابتدت العلاقة تدخل في شكل جد .

محتاجة تعرفي عنه حاجات كتير وهو كمان محتاج يعرف عنك حاجات أكتر..

ويبدأ الكلام..

مها:- الجو برد..

احمد: فعلا.. بس أهم حاجة دفا المشاعر..

مها: أكيد طبعا.. عارف؟ أنا عمري ما حسيت مع حد بالأمان.. عمري ما حسيت إني بانتمي لحد.. ده حتى بابا دايما باحس إنه بعيد عني، لدرجة إنه يوم ما نتيجة الكلية بتطلع عمره ما بيفكر يقول لي: "مبروك"، ده غير إنه بياكل عليّ الهدية أصلا..

احمد: بس ده مش معناه..

مها : لأ معناه! صدقني يا ابني بابا مش بيحبني، أصل أنا كنت آخر العنقود على 3 بنات وبابا كان نفسه في ولد بس جيت أنا!

احمد: أكيد ماما موازنة ده عنه باهتمامها بيكِ..

مها: أمي أنا مهتمة بيَ؟ يا ابني هي فاضية لأي حد فينا ده كفاية شغلها والطبيخ والمسح والكنس.. حمل كبير عليها برضه.. والواحد يادوب بيخلص المذاكرة اللي وراه ويحضر المحاضرات ده غير إن المناهج لعنة والدكاترة مش متعاونين خالص..


******* وهكذا تبلعين الحوار في الفضفضة دون أن تدري. *******

يا ستي عارفين إنك محتاجة قوي لحد تفضفضي معاه وتشكي له همك.. محتاجة لحد ترتاحي على كتفه (معنويا بس!) وتفضي كل اللي مضايقك وشاغل بالك معاه.. بس رجاء ماتعمليش ده في أول مرة تتكلموا فيها.. أو تاني مرة أو تالت مرة.





في أول العلاقة، وفي بداية التعارف بتكوني محتاجة تخلقي انطباعات أولى، والتفاصيل الكتيرة ممكن تحسس الطرف التاني إنه مقدم على –ولا مؤاخذة- مصيبة. مشاكلك كتيرة وتوقعاتك من العلاقة كتيرة، وحتى لو هو إنسان كويس هيحس إنك بطلباتك دي بتعجزيه ومحتاجة حد "سوبر مان" في حين إن كلنا بشر.



الفضفضة مريحة ماننكرش ده، بس في مراحل التعارف الأولى بنقول خلي البداية تبقى هادية، والتفاصيل هتيجي بالتدريح لوحدها


احمد : يا ترى اتأخرت عليكِ؟

مها : لا يا سيدي ما أنا اتعودت على كده.. "تامر" برضه عمر مواعيده ما كانت مظبوطة.

احمد : "تامر" مين؟

مها : "تامر" اللي كنت مرتبطة بيه قبلك.. ده كذا وكذا.. وتعرف لو كنت اتأخرت شوية؟ كان إيه اللي هيحصل؟

احمد :؟؟؟؟ ؟؟

مها : كنت هاحس إني ماليش لازمة في حياتك وكنت هافتكر إني مش هاشوفك تاني، وإنك اتأخرت بس عشان تمهد إنك تسيبني.
احمد : !!!!!!!!!!!!!



أول غلط البنت ارتكبته في الحوار اللي فات ده هو إنها ذكرت تجربة سابقة، وعملت مقارنة بين الشخص اللي بتكلمه وبين شخص تاني واضح جدا إنه كان بيعاملها وحش. مش غريب أبدا بعد الكلمتين الجمال دول، إن الولد يتضايق لأنك كده بتحسسيه بالعجز، وكأنك بتقولي له "مافيش فايدة كلكم شبه بعض، وإنت أكيد مافيش فيك أي صفة مميزة".





ده بخلاف إن أي تفاصيل لعلاقات سابقة بتبقى حساسة جدا، بمعنى إن هو نفسه بيعقد مقارنات بينه وبين الشخص السابق وبيحاول إنه يقيس تصرفاته بناء على تصرفات الشخص التاني.. بيحاول يتفوق عليه، وممكن جدا الوضع ده يسبب له غيرة وأفكار سودا بخصوص اللي ممكن يكون حصل بينك وبينه.



نصيحة: بلاش التطرق لتفاصيل علاقات سابقة.. السيرة دي مافيش وراها غير الألم ووجع القلب



أما الغلطة التانية، فهي إن البنت قللت من قيمة نفسها "وكنت هافتكر إني مش هاشوفك تاني، وإنك اتأخرت بس عشان تمهد إنك تسيبني". دلوقت حتى لو الإنسانة دي كويسة، الانطباع الأول اللي هيوصل للولد إنها فاشلة ومش لاقية حد يقدرها أو يعبرها! وبالتالي، هيقول لنفسه: وأنا إيه اللي يجبرني على كده؟!





ولو كنتِ تقصدي بكلامك إنك تكسبي عطفه عليكِ، فخلي بالك إن الموضوع بييجي بالعالله يعطيك العافيه، بمعنى إنك لو طلبتِ تعاطفه، عمره ما هيتعاطف.. ولو ماطلبتيش هتلاقي الموضوع جه تلقائي!




نصيحة: اوعي تظهري " تظهر " بمظهر البنت" الولد " الفاشلة" الفاشل " اللي محتاجة " محتاج " لأي حد عشان ينتشلها " ينتشلك " من الضياع (حتى لو كنتِ حاسة " حاسس " بده فعلا!).. مافيش حد يحب إن شريكة " شريك " حياته يبقى كده!



حتى لو فيه سر ضروري لازم تتكلموا فيه، يبقى تختاري الوقت المناسب اللي تتكلمي فيه، بس برضه بعد مرحلة البدايات ووصولكم لمرحلة بتثقوا فيها في بعض.





*** يعني لو الكلام جاب بعضه بخصوص التجارب السابقة مثلا، ممكن يحصل الحوار ده :

احمد : أنا عارف إنك كنت مرتبطة قبل كده..
مها : ده حقيقي بس الموضوع انتهى من فترة
احمد : كانت عينيه زايغة ولا إيه؟
مها : تقدر تقول إننا كنا مختلفين.. يعني.. محصلش نصيب.




****** مش معنى إننا نقول لك إنك تحتفظي بأسرارك للوقت المناسب إننا بنشجعك على إنك تخبي أو تكدبي عليه. وبعدين فيه تفاصيل بيكون الاستغناء عنها أفيد.. يعني يجرى إيه لو قلتِ له على علاقتك السابقة إن "ماحصلش نصيب" بدل ما تقولي "أصله كان بيتأخر عليَ كتير وماكانش بيحترمني ولا بيحترم مشاعري


منقوووووووووووول